

D3025

།འཇིག་རྟེན་གྱི་ལྷ་མཉེས་པར་བྱེད་པ། དོན་གྲུབ་པ་ཞེས་བྱ་བ་དཔལ་མར་མེ་མཛད་བཟང་པོས་མཛད་པ་རྫོགས་སོ།།[་]@##། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །བསྒྲུབ་བྱ་ལ་མཛའ་བོ་དང་གཅེས་པ་དང་། སོ་སོའི་སྐྱེ་བོ་ རྣམས་ཀྱི་ལྕེ་འབབ་པར་འདོད་ན།ས་སྣ་བདུན་ནམ་བཅུ་གཅིག་ལ་བསྒྲུབ་བྱའི་གཟུགས་ཁྲུ་གང་བ་བྱས་ཏེ། སྙིང་གར་གྲོ་ག་ལ་ར་ཁྲག་གིས་མིང་རུས་བྲིས་ཏེ་གཞུག་གོ། །དེའི་སྤྱི་བོར་ཨེ་གྲུ་གསུམ་བྲུས་ལ། །ཚེར་མ་སྣ་ཚོགས་པ་ཉག་མ་རེ་གཟུགས་སོ། །མགོ་ལ་ལྟས་ངན་སྣ་ཚོགས་ སྒྲོས་བརྒྱན།ལུས་ལ་གཟེ་མ་མང་པོ་བཙུགས་ལ་དུར་ཁབ་ཀྱིས་བཏུར། དེ་བདག་གི་མདུན་དུ་བཞག་ལ་གཙོ་བོ་ལ་མཆོད་བསྟོད་ཅི་རིགས་པར་བྱས་ལ་སྲན་མ་རྣམས་དང་སྒོག་སྐྱ་དང་། བྲ་མའི་འབྲུམ་བུ་དང་། སྐྱི་བ་དང་། བསེ་ཤིང་གི་འབྲས་བུ་ལ་སརྦ་ཤ་ཏྲཱུཾ་ཧཱུཾ་ཕཊ་ཅེས་འབུམ་ཕྲག་ གཅིག་བཟླས་ཏེ།ཐུན་གྱི་སྐབས་སུ་བྲབས་ཏེ། མི་ཆེན་པོ་རྣམས་ཀྱི་ལྕེ་ཉམས་པ་འདི་ལ་ཕོབ་ཅིག་ཅེས་བརྗོད་ཅིང་། རི་གསུམ་འདུས་པའི་རྩེ་ལ་སྲན་མའི་སྦྱིན་སྲེག་ལན་ཉེར་གཅིག་བྱས་ལ་ཐལ་བ་དེ་རླུང་ལ་བསྐུར་ཏེ། བསྒྲུབ་བྱའི་ཁང་པ་ལ་ཁྲག་གིས་གཏོར་ན་ངེས་པར་མཛའ་སྡུག་རྣམས་ ་ཀྱི་ལྕེ་འབབ་པར་ངེས་སོ།